COSRX The Ceramide Skin Barrier Moisturizer — suvi emas, himoyasi yetishmayotgan teri uchun krem

Yuvingandan keyin yuz darrov tortishadi, teri poʻst tashlaydi, sovuqdan qizaradi va deyarli har qanday yangi vositadan achishadi. Gap kremning kamligida emas — terining himoya qatlami ishdan chiqqan. Bu qatlam teri oʻzi ishlab chiqaradigan uchta narsaga tayanadi: seramid, xolesterin va yogʻ kislotalari. Qishda, konditsioner ostida, yosh oʻtgani sari hamda kislota yoki retinoldan keyin ular kamayadi va namlik shunchaki uchib ketadi.

Bu kremda uchalasi ham bor: yetti xil seramid, xolesterin va yogʻ kislotalari — terining oʻz himoya qatlami nimadan tuzilgan boʻlsa, aynan oʻshalar. Panthenol (B5 vitamini) va gialuron kislotaning besh shakli namlikni ichkarida ushlab turadi, allantoin bilan E vitamini taʼsirlanishni bosadi.

Nimani sezasiz. Tortishish darrov ketadi — surtgandan bir daqiqa oʻtib teri yumshaydi. Qizarish va achishish birinchi yarim soatdayoq sezilarli kamayadi. Poʻst tashlash odatda bir-ikki haftada yoʻqoladi, quruqlikdan kelib chiqqan qichishish esa taxminan bir oylik kundalik parvarishdan keyin. Brendning 23 nafar ayol ishtirokidagi sinovida 100% ishtirokchi teri sezilarli namlanganini va krem taʼsirlanish chaqirmaganini aytgan; bir marta surtilgandan soʻng namlik 200 soatgacha saqlanadi.

Teksturasi quyuq, lekin ogʻir emas: bir daqiqada singadi, yopishmaydi, yaltiroqlik qoldirmaydi va pardoz ostiga bemalol yotadi. Krem teshikchalarni bekitmasligi tekshirilgan, shuning uchun yogʻli teriga ham toʻgʻri keladi. 80 ml tyubik ertalab va kechqurun ishlatilganda taxminan ikki oyga yetadi.

Kimga kerak: quruq va suvsizlangan teriga, hamma narsaga taʼsirlanadigan sezgir teriga, qishda poʻst tashlab qizaradigan teriga, shuningdek kislota, retinol va faol parvarishdan charchagan teriga. Tarkibida xushboʻylantiruvchi, spirt va efir moylari yoʻq — koʻpincha aynan shular taʼsirlanishga sabab boʻladi.

Original Koreya mahsuloti.

Parvarishning eng oxirgi bosqichida — toner va serumdan keyin, ertalab va kechqurun surting.

• Butun yuzga loviya kattaligida krem oling.
• Yuz va boʻyinga yoying, singib ketguncha barmoq uchlari bilan yengil urib chiqing.
• Koʻz atrofini chetlab oʻting.
• Quruq va poʻst tashlayotgan joylarga birinchi qatlam ustidan ikkinchisini surting.
• Kislota yoki retinol ishlatsangiz, kremni ularning ustidan surting — u taʼsirini yumshatadi.

Nima ish qiladi:

• 7 xil seramid, xolesterin va yogʻ kislotalari — terining himoya qatlamini tiklaydi
• panthenol (B5 vitamini) va gialuron kislotaning 5 shakli — namlikni ushlab turadi
• allantoin va E vitamini — taʼsirlanishni bosadi
• skvalan — yumshatadi va yogʻ pardasi qoldirmaydi

Xushboʻylantiruvchi, spirt va efir moylarisiz.

Toʻliq tarkibi: Suv, butilen glikol, glitserin, setil etilgeksanoat, butilen glikol dikaprilat/dikaprat, skvalan, pentaeritritil tetraizostearat, dikaprilil karbonat, behenil spirti, dimetikon, betain, gidroksipropil bis-palmitamid MEA, C14-22 spirtlar, palmitin kislota, stearin kislota, gidroksipropil bis-lauramid MEA, araxidil spirti, xolesterin, poliakrilat-13, C12-20 alkilglyukozid, allantoin, araxidil glyukozid, kaprilil glikol, glitseril kaprilat, etilgeksilglitserin, gidrogenlangan poliizobuten, karbomer, trometamin, gidrogenlangan letsitin, dimetikonol, seteoril spirti, poliglitseril-10 laurat, etilgeksil palmitat, sorbitan izostearat, fitosfingozin, panthenol, propandiol, tokoferol, NP seramid, natriy gialuronat, NS seramid, 1,2-geksandiol, gidrolizlangan gialuron kislota, AP seramid, AS seramid, natriy gialuronat krospolimeri, gialuron kislota, natriy atsetillangan gialuronat, EOP seramid.

• surtilgan zahoti tortishishni yoʻqotadi
• qizarish va achishishni birinchi yarim soatda tinchlantiradi
• seramid, xolesterin va yogʻ kislotalari bilan terining himoya qatlamini tiklaydi
• namlikni uzoq ushlab turadi — ertasi kuni ham teri yumshoq
• bir daqiqada singadi, yopishmaydi va teshikchalarni bekitmaydi
• xushboʻylantiruvchi, spirt va efir moylarisiz — sezgir teri uchun

Birinchi marta ishlatishdan oldin oz miqdorini bilak ichiga surting va bir sutka kuting.

• Koʻz atrofiga va ochiq yaralarga surtmang.
• Qizarish, shish yoki qichishish paydo boʻlsa, foydalanishni toʻxtating va mutaxassisga murojaat qiling.
• Bolalar qoʻli yetmaydigan, quyosh nuri tushmaydigan joyda saqlang.